FÖRÐUNARBURSTAR

Topp 5 burstar sem þú verður að eignast.

Fyrst er það MAC 150 púðurburstinn. 

Ég nota alltaf bursta í búður, aldrei svamp. Ég man í gamla daga þegar ég var að byrja að mála mig, þá stalst ég alltaf í Kanebo púðrið hjá mömmu og makaði því framan í mig með svampinum sem fylgdi með því.. yuuuk. Mér finnst koma mikið fallegri áferð ef ég nota góðan púðurbursta til að dusta púðrinu yfir andlitið :)

Næsti er MAC 109 skyggingarburstinn.

Ég nota alltaf þennan bursta þegar ég er að skyggja á mér andlitið. Ég nota hann stundum í kinnalit en oftast nota ég hann í bronzer eða sólarpúður. Það er rosalega auðvelt að  blanda með honum og því er hann í uppáhaldi hjá mér :)

Þriðji must have er MAC 224 burstinn.

Ég nota þennan bursta í rosalega mikið, til að highlighta, púðra undir augunum, ég nota hann stundum sem augnskuggabursta og stundum sem hyljarabursta :) Þetta er svona „alt mulight burstinn minn“. Ég gæti ekki verið án hans!

Fjórði er MAC 208 burstinn.

Þennan skáskorna bursta nota ég alltaf á augabrúnirnar. Hann er pínulítill og það fer ótrúlega lítið fyrir honum en guð hvað hann gerir mikið gagn! Ég fór einu sinni í ferðalag og gleymdi honum heima.. ég var næstum búin að snúa við.. ;) hvað gerir maður ekki fyrir útlitið!

Fimmti er MAC 287 burstinn.

Þennan bursta nota ég alltaf til að hylja á mér andlitið, en ég nota hann líka stundum til að highlighta. Lagið á burstanum auðveldar fyrir, t.d. þegar ég er að hylja bauga :) Þessi er líka mjög lítill og nettur en gerir mikið.

Takk fyrir að lesa

x Guðrún

NARS HAUL

Ég var í Barcelona um daginn, frábær borg! Gott að komast svona aðeins í sólina þar sem hún er alls ekki að sýna sig hérna heima.. og auðvitað verslaði ég mér helling af snyrtivörum og ákvað að prufa fullt nýtt :) Ég keypti mér nokkra hluti frá NARS, en þær vörur hafa farið eins og eldur um netheimana og sérstaklega hjá youtube bloggerum. Ég ákvað að prufa nokkrar vörur og ég ætla að segja ykkur frá tveimur vörum í þessari færslu.

Þessar tvær vörur eru alger snilld, Lodhi satin lip pencil og Copacabana illuminator. Ég sá varalitinn og sagði strax við afgreiðslumanninn að ég vildi þennan! Áferðin á honum er frábær, auðvelt að setja hann á varirnar og hann er mjög litmikill. Pigmentið er svo sterkt í honum að ég átti bágt með að þrífa hann alveg af ;)

(Lodhi satin lip pencil, Copacabana illuminator)

Fallegur orange bleikrauður, sjúklega flottur og sumarlegur.

Ég set svo illuminatorinn á highlightsvæðin í andlitinu. Mér finnst alltaf fallegt að nota bleiktóna highlightera, þeir falla svo vel að húðinni sem gerir allt makeupið náttúrulegara. Þið sjáið hvað hann er bjartur og fallegur.

Svona er lokalookið, varaliturinn er svo flottur! Ég get ekki beðið eftir að nota hann næst :) Hann er ekki eins og flestir orange rauðtóna litir, heldur er hann mun náttúrulegari. Það birtir svo mikið yfir andlitinu ef maður notar illuminator, kinnbeinin og hin highlightsvæðin verða svo björt og slétt :)

Takk fyrir að lesa,

x Guðrún

BROWN EYE

Ég ætla að segja ykkur hvað það er auðvelt að gera smokey eye..

Það sem ég gerði var að setja painterly paint pot frá MAC sem grunn á augnlokin, ég setti það bara rétt upp að augnbeininu, alls ekki lengra.

Síðan setti ég brúnan augnskugga á allt augnlokið og líka á neðri augnháralínuna. Síðan setti ég dökkbrúnan lit yrst á augnlokið og blandaði litunum aðeins saman þannig það kæmi ekki skörp skil á milli þeirra. Síðan langaði mig að pompa aðeins upp lookið þannig ég setti ljósgylltan lit alveg innst í augun eins og þið sjáið á myndinni. Ég notaði hann líka á neðri augnháralínuna  alveg innst. Ég ákvað að nota brúnann eyeliner, en ég setti bara örlítið af honum til þess að gera lookið enn þá flottara. Ég setti hann inn í augnhárin og á efri vatnslínuna þannig að það liti ekki út fyrir að ég væri með eyeliner :)

Það breytir engu máli hvaða augnskugga þið notið, en allir sem ég notaði eru frá MAC.

Alveg í endann setti ég á mig maskara, og fullt af honum eins og þið sjáið hehe :).. og svo hvítann eyeliner á neðri vatnslínuna.

Í sumar er mikið í tísku að vera með dökka orange varaliti. Það sem ég er mest spenntust fyrir er no makeup lookið :) Mála sig eins og maður sé ekki með neitt framan í sér :)

Ég málaði mig svona fyrir David Guetta tónleikana sem ég fór á 16. júní, sjúklega gaman!.. ooog já það var mjög heitt þarna inni svo ég hélt alltaf að allur farðinn væri að leka af mér, en svo var ekki. Þegar ég kom heim var allt á sínum stað nema hvíti eyelinerinn var farinn að hverfa aðeins undir miðja tónleikanna, sem betur fer tók ég hann með mér og gat bætt á mig ;)

Hope you like it!

xx Guðrún

CURRENT FAVORITES

Mig langar að segja ykkur frá mínum uppáhalds vörum í augnablikinu :) Vörurnar eru allar hversdags og eru klárlega einhvað sem allir ættu að næla sér í ;)

Fyrst er það Brow set frá MAC

(Mynd af google)

Þetta er must í sumar! og eiginlega bara alltaf.. Ekkert mál að greiða litnum í augabrúnirnar, fljótlegt og þæginlegt. Þá þarf maður kannski ekki að taka með sér allt augabrúnasettið ef maður er að fara út á land, eða í útilegu :) Augabrúnirnar verða líka fallegar og þéttar eftir á :) Það er líka gel í þessu, þannig hárin haldast uppi og leita ekki niður. Ég skelli þessu oft á mig ef ég er ekki að fara það fínt að ég þurfi að vera að setja upp augabrúnirnar frá byrjun :) Það eru til nokkrir litir af þessu og einnig glært :)

Next up er Studio Sculpt lash maskarinn frá MAC

(Mynd af google)

Þegar ég sá hann fyrst þá hugsaði ég með mér, ég ætla ekki að fá mér þennan því hann er með plastgreiðu, mér líkar yfirleitt ekki við plastgreiðurnar. Mamma mín ákvað að kaupa hann og prufa en ég harðneitaði, síðan prufaði ég hann nokkrum dögum seinna og ómææægood! Hann er klikkaður! Ég tek allt til baka sem ég sagði, ég er líka næstum búin að ræna honum af mömmu hehe ;) Það sem ég elska mest við hann er að það er sjúklega auðvelt og þæginlegt að maskara neðri augnhárin með honum, það koma engar klessur, hann greiðir ótrúlega vel úr augnhárunum en samt gerir þau þétt og flott.

Seinasta það sem ég ætla að sína ykkur eru nýju Patentpolish varalitirnir

(Mynd af google)

Þessir varalitir eru nýjir hjá MAC og koma í mjög mörgun litum. Þeir eru glosskenndir en samt eru þetta varalitir haha.. liturinn er mjög skýr þegar þú ert búin að setja hann á þig og er mjög þykkur í sér. Þeir haldast fáránlega vel á, enn þá betur ef þú setur varaprimer á varirnar á undan. Þeir eru skrúfaðir upp neðan frá og eru bara eintóm þægindi í veskið eða í bílinn, til að grípa til. Varalitir eru líka svo mikið í tísku núna, þú getur eiginlega ekki sleppt því að nota þá í sumar :))

Lengra verður þetta ekki, en ég vona að þið skellið ykkur á einhvað af þessu :) Takk fyrir að lesa!

x Guðrún

SUMIR HLUTIR BJARGA

Góðan dag! Langt síðan ég hef sent inn færslu, lokapróf og svo beint í nýja vinnu aaah, eeen mig langar að segja ykkur frá nokkrum æðislegum hlutum sem eru hálfgerðir "lifesaverar" ef þið eruð í vandræðum.

Fyrst er það svitalyktareyðirinn frá Clinique.

Hann er ofnæmisprófaður, það er engin blómalykt af honum eins og sumum, meira svona engin lykt. Notar hann alveg eins og venjulegan svitalyktareyði, nema í alvöru það kemur ekki svitalykt af þér yfir daginn! Þetta er einhvað sem þið verðið að prufa ef þið eruð í þessum vandamálum. Hann er líka til fyrir karlmenn, í sér línu fyrir þá :) Hann er líka endingargóður ;)

Hann er ekki risastór, svo það er auðvelt að ferðast með hann.

Næst á dagskrá er Nail Envy frá OPI. Þetta undraefni! Neglurnar þínar styrkjast svo óeðlilega mikið, ég get varla brotið mínar, en auðvitað gerist það inn á milli en það þarf mikið til. Þær verða svo ferskar og fylltar. Ég elska þennan styrkir í botn og get ekki hugsað mér að skipta. Mér finnst best að geyma það inn í ísskáp. Ef neglurnar eru brotnar, þunnar, þurrar eða bara almennt leiðinlegar þá mæli ég með að þið skellið ykkur á eitt svona ;)

(mynd af google)

Síðasta varan sem ég ætla að tala um heitir Repairwear Laser Focus og er frá Clinique. Þetta er serum sem ræðst á ójafnar holur og litamismun í húðinni og án gríns lagar það. Mamma mín notar serumið og ég hef aldrei séð jafn mikla virkni í einu efni og þessu áður fyrr! Hún var með mikið af fínum línum í kringum augun og á enninu, og viðgerðarkonan eins og ég vil kalla serumið kom og lagaði húðina. Ekki misskilja mig samt og halda að húðin hafi orðið eins og á nýfæddu barni en serumið leiðrétti svo óeðlilega mikið af fínum línum, holum og litamismun eftir sólarljós.

Það gefur húðfrumunum meiri boost, þannig þær geta unnið vinnuna sína betur.

Það fellur ótrúlega vel að húðinni, er ekki þykkt og áferðamikið og þú getur notað hvaða rakakrem sem er eftir á.

Serumið frá Clinique er meiri viðgerð á skemmdum sem hafa nú þegar átt sér stað en ef þið eruð að leita ykkur af fyrirbyggjandi serumi þá mæli ég með Advanced Night Repair Estée Lauder.(ekki láta nafnið blekkja ykkur, þið megið nota serumið kvölds og morgna).

Ójöfnu húðlitirnir koma útaf miklu sólarljósi, eða nánar útaf UV-geislum. Það eru geislarnir sem mynda þessa ójöfnu húðbletti, litamismun og fleira í húðinni sem enginn vill hafa.

(Repairwear Laser Focus, mynd af google)

Að lokum langar mig að minna ykkur á að nota sólarvörn í sumar! Skellið henni bara á ykkur og svo rakakrem yfir, málið dautt ;)

x Guðrún

HUGMYNDIR

Mig langar til að sýna ykkur mismunandi hugmyndir á litanotkun og fleiru :)

*Vörurnar sem ég notaði eru meðal annars frá MAC, Inglot, NYX og Estée Lauder

Hérna lék ég mér með dökka liti, notaði sanseraða gyllta og brúna liti, toppaði svo lookið með bláum blíant sem ég setti á neðri vatnslínuna. Brúnrauði varalituinn passaði mjög vel við þetta look ;)

Enginn augnskuggi, bara pínulítil eyelinerlína sem ég setti eins nálægt augnháralínunni og ég gat. Áherslan var lögð á varirnar í þetta skipti, sem voru fjólubláar :) Varaliturinn er frá Inglot.

Áherslan var lögð á augun og húðina hérna, falleg glóandi náttúruleg húð. Fyrst notaði ég gott rakakrem, setti svo á hana græna primerinn frá NYX og yfir hann notaði ég Day Wear BB kremið frá Estée Lauder í staðin fyrir farða. BB kremin aðlagast alveg að þínum húðlit og þetta kom svo fallega út. Græni eyelinerinn er frá NYX, kom vel út með náttúrulegri augnskyggingu. 

Falleg kvöld eða árshátíðarförðun. Augnskuggarnir eru frá MAC og ég notaði sanseraða gyllta og brúna tóna. Skyggingin fer ótrúlega vel með dökk brúnum augum. Ég er mjög hrifin af brúnum og gylltum tónum þar sem ég er sjálf með mjög brún augu.

Ég ætla að taka mér spá pásu frá blogginu útaf skólanum, ég mun koma með fullt af skemmtilegum hlutum bráðlega.

xx Guðrún

MY HAIR PRODUCTS

Hola! Mig langar að segja ykkur frá sjampóinu og hárnæringunni sem ég er að nota. Báðar vörurnar eru frá Framesi. Hárnæringin heitir Argan Mask og er djúpnæring í þykkari kantinum. Hún er ekki lauflétt eins og venjuleg hárnæring. Ég set hana í endana á hárinu og þeir verða silkimjúkir. Endarnir mínir voru frekar þurrir áður en ég byrjaði að nota næringuna, en þeir löguðust eftir nokkur skipti! Næringin inniheldur Argan-olíu, C-vítamín, amínó-sýru en þær næra hárið sérstaklega vel! Það er hitavörn í næringunni sem gerir hárið sterkara og fylltara, en þá tekur hárið betur á móti hita s.s hárblásara, sléttujárni og fl.

(Mynd af google, Argan Mask)

Sjampóið heitir Energy blueberry/High Potency. Það styrkir og örvar hársvörðinn og það er líka mjög milt. Sjampóið er fullt af bláberjum sem innihalda mikið af andoxunarefnum. Það hjálpar mér mikið því ég er með svakalegt hárlos, ég var líka með mikla flösu áður en ég byrjaði að nota það og hún er horfin ;) Stundum klæjaði mig ótrúlega en kláðinn er alveg horfinn. Mér finnst sjampóið vernda betur litinn í hárinu á mér, hann dofnar ekki eins fljótt og bara hjálpar helling haha! :)

(Mynd af google, High Potency)

Eitt af uppáhalds sléttuefnunum mínum er I.D. Hair Force. Þetta er alger snilld, gefur hárinu náttúrulegan ljóma og lagar leiðinlegan úfa. Sléttir í leiðinni, mýkir það og gefur ótrúlega fallegan gljáa :) Það sem mér finnst þæginlegt við umbúðirnar er að þær eru lágar og því er mjög auðvelt að ferðast með það :) Þetta er einhvað sem þið verðið að næla ykkur í ef þið viljið minnka notkunina á sléttujárninu ykkar.

(Mynd af google, I.D. Hair Force)

Allar vörurnar frá Framesi fást á Hár og Smink stofunni í Hlíðasmára 17, Kópavogi.

xx Guðrún